KSHZ: Dalja në votime në Bërvenicë deri në orën 11:00 arrin në 9,11 për qind

Shkup, 18 tetor, Zhurnal.mk – Deri në orën 11:00, pjesëmarrja në zgjedhjet e jashtëzakonshme për kryetar të Komunës së Bërvenicës ka arritur në 9,11 për qind. Deri në këtë orë, të drejtën e votës e kanë shfrytëzuar gjithsej 1.480 qytetarë.

Të dhënat i bëri të ditura kryetarja e Komisionit Komunal të Zgjedhjeve (KKZ) në Bërvenicë, Nedime Sallai, e cila informoi për daljen e qytetarëve në votime gjatë orëve të paradites.

Në këto zgjedhje të jashtëzakonshme, qytetarët e Bërvenicës kanë mundësi të zgjedhin kryetarin e ri të komunës mes gjashtë kandidatëve që garojnë për këtë post.

Procesi zgjedhor po vazhdon, ndërsa të dhënat e ardhshme për pjesëmarrjen pritet të tregojnë se si do të zhvillohet dalja e votuesve gjatë pjesës tjetër të ditës.