Shkup, 5 mars, Zhurnal.mk – Lidhja e Sindikatave të Maqedonisë (LSM) ka paralajmëruar një protestë të madhe të punëtorëve që do të mbahet më 14 mars në orën 12:05, duke theksuar se nuk do të heqë dorë nga kërkesa për rritjen e pagës minimale në 600 euro dhe rritjen e pagave të tjera për 100 euro, transmeton Zhurnal.mk.
Vendimi për protestë vjen pasi në mbledhjen e fundit të Këshilli Ekonomiko-Social i Maqedonisë së Veriut sindikata u informua se paga minimale nga muaji mars do të rritet vetëm për 1.667 denarë, në përputhje me harmonizimin ligjor.
Përfaqësuesit e LSM-së reaguan ndaj këtij vendimi duke e braktisur mbledhjen, ndërsa theksuan se beteja për paga më të larta do të vazhdojë përmes protestave.
Nga sindikata paralajmërojnë se nëse kërkesat e tyre nuk merren parasysh, mund të aktivizohet edhe vendimi për organizimin e një greve të përgjithshme në sektorin publik dhe privat.
Sipas tyre, qëllimi i protestës është të ushtrohet presion ndaj institucioneve për përmirësimin e standardit të jetesës së punëtorëve dhe rritjen e pagave në vend.
