Mexhiti uron Kosovën për fitoren ndaj Sllovakisë: Lojë me ritëm të lartë dhe shpirt luftarak

Shkup, 26 mars, Zhurnal.mk – Kryetari i Komunës së Çairit, Izet Mexhiti, ka uruar Kombëtarja e Kosovës për fitoren e sotme ndaj Sllovakia, duke e cilësuar ndeshjen si një përballje të jashtëzakonshme me intensitet të lartë dhe emocione të shumta.

Në urimin e tij publik, Mexhiti theksoi se ekipi kosovar tregoi organizim të shkëlqyer dhe shpirt të fortë luftarak, duke e konsideruar fitoren plotësisht të merituar.

“Një fitore e merituar e Kombëtares së Kosovës. Një ndeshje e jashtëzakonshme, me ritëm të lartë, intensitet dhe emocione pafund. Ekipi tregoi organizim të shkëlqyer dhe shpirtin luftarak. I urojmë suksese edhe në vazhdim, në lojën e ardhshme, që do ta çojë drejt Botërorit”, ka shkruar Mexhiti, transmeton Zhurnal.mk.

Ai gjithashtu vlerësoi edhe paraqitjet e Kombëtarja e Shqipërisë dhe Kombëtarja e Maqedonisë së Veriut, duke theksuar se të dyja ekipet zhvilluan ndeshje cilësore me lojë të bukur dhe disiplinë taktike.

Sipas tij, këto paraqitje janë tregues i progresit dhe cilësisë në rritje të futbollit në rajon, duke u dhuruar tifozëve emocione dhe spektakël sportiv.