Shkup, 21 korrik, Zhurnal.mk – Kryeministri Hristijan Mickoski realizoi sot një drekë pune me presidenten e Republikës së Indisë, Droupadi Murmu, e cila po qëndron në vizitën e saj të parë zyrtare në Maqedoninë e Veriut. Takimi, siç informoi Mickoski, është zhvilluar në atmosferë miqësore dhe konstruktive, me fokus në mundësitë për avancimin e mëtejshëm të marrëdhënieve dypalëshe.
“Diskutuam për thellimin e bashkëpunimit ekonomik, rritjen e shkëmbimit tregtar, investimet dhe forcimin e partneritetit në disa fusha me interes të përbashkët”, theksoi kryeministri Mickoski.
Ai vlerësoi se vizita historike e presidentes Murmu përbën hap të rëndësishëm drejt hapjes së perspektivave të reja të bashkëpunimit mes dy shteteve mike. Sipas tij, takimi konfirmon përcaktimin e përbashkët për ndërtimin e lidhjeve dypalëshe më të forta dhe më të qëndrueshme në të ardhmen.
