Presidenti dhe Drejtori Ekzekutiv i Forumit Ekonomik Botëror, Børge Brende, ka njoftuar se do të japë dorëheqjen pas një hetimi mbi marrëdhënien e tij me Jeffrey Epstein, “sipas Business Insider”.
“Unë besoj se tani është momenti i duhur që Forumi të vazhdojë punën e tij të rëndësishme pa shpërqendrime”, tha Brende, i cili drejtoi organizatën pas konferencës vjetore të Davosit për më shumë se 8 vjet.
Bashkëkryetarët e Forumit Ekonomik Botëror, André Hoffman dhe Larry Fink, thanë se shqyrtimi i pavarur, i cili u bë publik pak ditë më parë, zbuloi se nuk kishte shqetësime shtesë përtej asaj që është zbuluar më herët.
E-mailet e publikuara nga Departamenti Amerikan i Drejtësisë duket se tregojnë se Brende kishte darkuar me Epstein tri herë në vitet 2018 dhe 2019.
Në një deklaratë për “Reuters” këtë muaj, Brende tha se ishte plotësisht i pavetëdijshëm për të kaluarën dhe aktivitetet kriminale të Epstein.
Hofman dhe Fink thanë se Alois Zwinggi do të shërbente si president dhe drejtor ekzekutiv i përkohshëm i Forumit Ekonomik Botëror.
