Forcat e reja prodhuese të Kinës janë rritur në mënyrë të qëndrueshme dhe shumë përparime të reja janë realizuar në shkencë e teknologji, sipas një raporti të punës së qeverisë të paraqitur të enjten nga kryeministri kinez Li Qiang në emër të Këshillit të Shtetit, në mbledhjen e hapjes të sesionit të 4-t të legjislaturës së 14-të të Asamblesë Kombëtare Popullore.
foto nga VCG
Kina ka udhëhequr në kërkimin, zhvillimin dhe aplikimin e inteligjencës artificiale (AI), biomjekësisë, robotikës dhe teknologjisë kuantike, ndërsa ka bërë përparime të reja në kërkimin dhe zhvillimin e pavarur të mikroçipave, sipas raportit.
foto nga VCG
Sonda “Tianwen-2” filloi një mision eksplorimi ndërplanetar, aplikimi masiv i sistemit të pozicionimit satelitor “BeiDou” u zgjerua në sektorë të ndryshëm dhe nisi ndërtimi i hidrocentralit në pjesën e poshtme të lumit Yarlung Zangbo. Aeroplanmbajtësja “Fujian”, e para e prodhuar nga vetë Kina dhe e pajisur me një sistem katapulte elektromagnetike, u vu në funksionim zyrtarisht, kurse modelet e mëdha të AI-së të prodhuara nga Kina udhëhoqën zhvillimin e ekosistemit global të AI-së me burim të hapur.
