Shkup, 10 prill – Skena politike po ndryshon me ritëm të shpejtë, këto ndryshime sa mund të jenë produktive po aq mund të jenë të dëmshme. Aleanca për Shqiptarët e udhëhequr nga Arben Taravari kohëve të fundit ka tronditur simpatizanët e VLEN-it i cili brenda natës në një emision televiziv shprehu pakënaqësit e tij në VLEN. Ai tregoi për kanalet e komunikimit me BDI-në me çka paralajmëroi daljen e tij nga VLEN, kjo situatë krijoi huti në opinion. Sepse, ndarja e ASH-së në dysh ndodhi pikërisht për këtë arsye që ASH-në e lidhë asgjë me BDI-në. Por, tani çfarë ndodhi? shkruan Zhurnal.
Votuesi i ASH-së ka qenë votues i pakënaqur nga BDI –
Aleanca për Shqiptarët historikisht si parti politike ka ndërtuar narrativin e funksionimit si antipod i BDI-së. Kreu i kësaj partie, Arben Taravari, nuk duhet të haroj se edhe ata që ia kanë dhënë votat ASH-së, kanë qenë pikërisht ata që kanë qenë të pakënaqur me qeverisjen e kaluar të BDI-së.
Një gjë duhet që kreu dhe kryesia e ASH-së ta mendojnë e kujtojnë që interesat e larta partiake mund të sjellin dëm të madh elektoral që pason me vendosjen e drynit. Raste të tilla ka me bollëk, Gëzim Ostrenin me Unitetin, Demokracia e Re, RDK, e të tjera, të cilat kanë qenë të fokusuara në rritjen e menjëhershme të partive politike dhe kanë përfunduar me shkatërrim të plotë. Kjo për pasojë që nuk janë shikuar interesat e kohës apo çastit, mos pozicionimi adekuat i ka çuar deri në shkatërrim.
Votuesi i VLEN ka qenë dhe është vtoues që e ka kërkuar dhe ka pasur nevojë për ndryshim. Cili do subjekt që del jashtë kësaj ombrelle nuk kontriboun për ndryshimin, por të kundërtën vepron për rikthimin e regjimit. Dhe, kjo është më shumë se e dëmshme për të ardhmen e një populli dhe kombi të tërë.
ASH e vetme rrezikon të mos fitojë asnjë komunë, madje të humbë edhe Gostivarin –
Historiku politik në vendin tonë është vula e dëshmisë së gjallë se si ka qenë rezultati i partive politike në RMV derisa kanë qenë të ndara e të përçara. Asgjë tjetër, pos defaktorizimit të shqiptarëve, dhe mundësisë për qeverisje të së njëjtës parti me dekada.
Pra, kur vota shpërndahet faktorizimi përjashtohet si mundësi. Nëse marrim dhe analizojmë numrin e votave nga zgjedhjet e fundit lokale dhe deri tek këto të fundit parlamentare vërejmë thellësisht një dallim të madh. Kur partitë e vogla opozitare ishin të ndara në dy taborre nuk arritën dot as t’i afrohen partisë së parë, ndërkaq kur të gjitha u bashkuan në VLEN bënë mrekullin partinë që kishte qeverisur me dekada e dërguan në opozitë.
E tani nuk do analizë të thellë, vetëm sipërfaqësisht duke u bazuar në të dhënat e lartëpërmendura lirshëm mund të konstatohet se në një situatë kur ASH është e vetme rrezikon të mos fitojë asnjë komunë, madje as Gostivarin për të cilën komunë kanë një vetbesim të pabazë se e kanë të sigurt. Qytetari shqiptarë nuk i jep asnjë lideri tapinë e qeverisjes por vlerëson opsionet politike që i ofrohen në tavolinë.
Largimi i ASH-së nga VLEN dëmton vetëm ASH-në, “brendi” VLEN nuk dëmtohet –
VLEN u shndërrua në më shumë se një koalicion politik pra në një shpresë të fuqishme se gjërat mund dhe do të ndryshojnë denjësisht e rrënjësisht. Prandaj, cila do parti politike që do të largohet nga VLEN do ta dëmtoj vetveten pasi VLEN është ndërtuar në mënyrë të vullnetshme pa qenë e varur nga vullneti i ndonjrës parti politike në mënyrë eksplicite.
Nga këtu lirshëm mund të konstatohet se VLEN nëë zgjedhjet e ardhshme lokale do të fitojë në mënyrë bindëse numrin më të madh të komunave shqiptare, duke marr parasysh edhe faktin që VLEN janë përfaqësuesit e shqiptarëve në ekzekutiv. Pra, aty ku VLEN ka bastionet e saja aty do të fitojë bindshëm pa ndihmën e ASH-së, e vetë fakti që këta parti politike po e ruajnë unitetin e quajtur VLEN që bëri histori qytetari shqiptar do t’i vlerësoj e shpërblej me votë.
ASH-ja nuk duhet të harrojë se mbi 70% e elektoratit të saj janë kundër ndarjes nga VLEN-i dhe cili do lloj kombinim tjetër për koalicion me BDI-në është i papranueshëm për votuesin dhe anëtarët e kësaj partie politike e cila është rritur mbi kundërshtimet e keqqeverisjes së BDI-së.
Vonë nuk është asnjëherë, ka kohë dhe hapësirë për të gjetur gjuhë mirkëputimi e bashkëpunimi mes LD, LB, AAA dhe ASH, fitorja mund të jetë madhështore –
Sipas informacioneve burimore që kanë arritur në redaksinë tonë rreth 80% të VLEN-it ia ka pranuar listën për Komunat të cilat pretendon të futet në garë ASH-ja me kandidatët e saj. Dhe, kjo është një sihiraç i mirë që gjërat mund të rregullohen në dobi të shqiptarëve.
Pra, ajo që nevojitet në këto momente është vetëm një vullnet dhe energji e mirë, sepse është parë sinergjia e bashkimit që prodhoi rezultat mbreslënës të papritur që gjitha partitë politike veçmas as nuk mund ta ëndërronin. Prandaj, duhet të tejkalohet inatet personale, interesat partiake të mendohet sipër e përtej tyre të arrihet deri në një përfundim që mund të jetë produktiv dhe i dobishëm për një popull jo për një parti.
Kujtojmë që, nëse ASH përfundimisht do të ndahet nga VLEN-i, atëherë ngriten shumë pyetje dhe dilema, në çfarë halli mund të ketë qenë lideri i ASH-së që po refozon ofertat nga VLEN? Por, kjo sigurisht se nuk do të mbetet enigmë, e vërteta sado që vonohet sërish del në shesh! /Zhurnal.mk
