Marrëdhëniet aktuale Kinë-Japoni po përballen me vështirësi serioze dhe përgjegjësia bie tërësisht mbi palën japoneze, tha të premten në konferencën e rregullt për shtyp Guo Jiakun, zëdhënësi i Ministrisë së Jashtme të Kinës.
Guo theksoi se këto vështirësi lidhen me deklaratat e gabuara të bëra një vit më parë nga udhëheqësja japoneze lidhur me çështjen e Tajvanit. Pala japoneze dha hapur sinjale të gabuara për një ndërhyrje të mundshme ushtarake në çështjen e Tajvanit, duke sfiduar sovranitetin kombëtar të Kinës dhe duke cenuar bazën politike të marrëdhënieve dypalëshe.
Për fat të keq, edhe pas një viti, autoritetet japoneze vazhdojnë të shmangin problemin, pa treguar sinqeritet apo ndërmarrë veprime konkrete për të reflektuar dhe korrigjuar gabimet.
Zëdhënësi theksoi se qëndrimi i Kinës për marrëdhëniet me Japoninë ka qenë gjithmonë i qëndrueshëm. Për palën japoneze, çështja më urgjente është korrigjimi sa më parë i deklaratave dhe veprimeve të gabuara lidhur me Tajvanin. E rëndësishme është që Japonia të mbajë një qëndrim të drejtë ndaj çështjeve historike, ndërsa thelbësore është që ta shohë Kinën me objektivitet dhe racionalitet.
