Aktorja e njohur e Hollywood-it, Sydney Sweeney, 29 vjeçe, ka gjetur një mënyrë për të shijuar një ditë larg vëmendjes publike.
Ajo vizitoi skelën e famshme të Santa Monikës në Los Angeles, e shoqëruar nga mikja e saj e ngushtë, Jayde Hafner, duke u maskuar me një paruke brune për të mos u njohur nga kalimtarët.
Aktorja ndau disa fotografi nga kjo dalje në Instagram, ku shfaqej me flokë kafe të errët, një bluzë të gjerë me mbishkrimin Santa Monica, pantallona të shkurtra xhins dhe atlete, shkruan DailyMail.
Gjatë vizitës, ajo pozoi përpara rrotës së famshme panoramike, provoi një atraksion me shina dhe kaloi kohë në sallën e lojërave pranë oqeanit.
Sipas Sweeney-t, ideja për t’u maskuar ishte e mikeshës së saj, e cila i kishte sugjeruar të vendoste paruke për të shijuar ditën pa u identifikuar.
Kështu, aktorja mundi të përjetonte atmosferën e një turisteje të zakonshme, larg vëmendjes që zakonisht shoqëron daljet e saj publike.
Kjo dalje vjen në një periudhë kur Sydney Sweeney po komentohet edhe për reklamën e saj të fundit për platformën sportive Novig, e cila ka shkaktuar reagime të shumta në rrjetet sociale.
