9
Tiranë, 19 tetor, Zhurnal.mk – Kryeministri Edi Rama shprehu sot mbështetjen për efektivët e Policisë së Shtetit, të cilët ditët e fundit janë përballur me akte dhune gjatë protestave në Tiranë.
Gjatë një takimi me punonjësit e policisë, Rama vlerësoi punën e tyre dhe u bëri thirrje të tregojnë durim e vetëpërmbajtje ndaj të rinjve që protestojnë.
“Respekt dhe po, jeni më të mirët në këto ditë agresioni me gurë e me zjarr mbi ëndrrën e Shqipërisë 2030 në Bashkimin Europian”, shkroi Rama krahas pamjeve të takimit me punonjësit e policisë.
“Durim dhe vetëpërmbajtje me të rinjtë që protestojnë. Forcë me gurëhedhësit dhe zjarrvënësit e maskuar”, shkruan Rama.
