Shkup, 7 prill – Kisha kënaqësinë të mirëprisja në takim z. David Dyer, drejtor i Operation Mercy për Maqedoninë e Veriut, së bashku me ekipin e tij.
Në shenjë vlerësimi për bashkëpunimin e deritanishëm, ata më dorëzuan një mirënjohje në emër të organizatës, si shprehje falënderimi për mbështetjen që Komuna e Çairit i ka dhënë projektit STEP – një nismë që fokusohet në fuqizimin e grave nëpërmjet trajnimeve dhe zhvillimit personal.
Me krenari mësova se ky është brezi i pestë i grave që përfundojnë me sukses programin, dhe më gëzon fakti që jemi pjesë e një nisme që sjell ndryshim të vërtetë në komunitet.
Rikonfirmova përkushtimin tonë si komunë për të vazhduar bashkëpunimin me Operation Mercy, dhe për të mbështetur më tej fuqizimin e gruas në shoqërinë tonë.
