Shkup, 05 Maj, Zhurnal.mk – Eksporti i mallërave të vendit në tre muajët e parë të vitit 2026 është rritur për 3,76%, ndërsa importi për 0,60%, krahasuar me të njëjtin tremujor të vitit 2025, thonë të dhënat më të reja të entit statistikor, shkruan Zhurnal.mk.
“Vlera e përgjithshme e eksportit të mallrave nga Republika e Maqedonisë së Veriut për periudhën janar- mars të vitit 2026 është 123 222.8 milionë denarë dhe shënon rritje nga 3.76% në krahasim me periudhën e njëjtë të vitit paraprak. Vlera e mallrave të importuara, në periudhën janar –mars të vitit 2026 është 171 926.4 milionë denarë, që është për 0.60% më shumë krahasuar me periudhën e njëjtë të vitit paraprak,” njoftoi enti në një komunikatë sot.
Pjesëmarrja më e madhe e eksportit ishin katalizatorët e mbajtësve me metale të çmuara ose përbërjet e tyre; grupe telash ndezës dhe të ngjashme, për automjete, aeroplanë ose anije; pjesët e karrigeve nga nëngrupi 821.1, e katalizatorë të tjerë të mbajtësve.
Importet më të zakonshme janë: platini dhe lidhjet e platinit, të papërpunuara ose në formë pluhuri, metale të tjera të grupit të platinit dhe lidhjet e tyre, të papërpunuara ose në formë pluhuri, vajra nafte dhe vajra të përftuara nga mineralet bituminoze (përveç naftës bruto) dhe mjete të tjera motorike për transportin e personave.
Sipas entit, në periudhën janar–mars të vitit 2026, sipas vëllimit të përgjithshëm të tregtisë së jashtme, pjesa më e madhe e tregtisë është bërë me Gjermaninë, Britaninë e Madhe, Kinën, Greqinë dhe Serbinë, që marrin pjesë me 49.8% të vëllimit të përgjithshëm të këmbimit.
Vendet anëtare të Bashkimit Evropian përfaqësohen me 58.6% në totalin e këmbimit. / Zhurnal.mk
