Hajredini: Ata që në vitin 2005 thanë se Marrëveshja e Ohrit ishte zbatuar, sot ankohen se ende nuk është realizuar

Shkup, 3 korrik Zhurnal.mk – Ish-ministri i Financave, Xhevdet Hajredini, ka reaguar në rrjetet sociale duke kritikuar qëndrimet e disa ish-funksionarëve për zbatimin e Marrëveshjes së Ohrit.

Ai thekson se disa prej tyre, të cilët në vitin 2005 kur ishin në pushtet deklaronin se Marrëveshja e Ohrit ishte zbatuar plotësisht, sot po ankohen se ajo ende nuk është përmbushur.

“Disa nga ata të cilët në vitin 2005, kur ishin në pushtet, deklaruan se zbatimi i Marrëveshjes së Ohrit ka përfunduar, tani rishtas ankohen se ende s’është zbatuar”, shkruan Hajredini.