Shkup, 30 janar – Kryetari i Komunës së Tetovës, **Bilall Kasami**, ka realizuar sot një takim zyrtar me ambasadorin e Hungarisë në Republikën e Maqedonisë së Veriut, **Andràs Klein**.
Sipas njoftimit të publikuar në faqen zyrtare të kryetarit të komunës, gjatë takimit është diskutuar për mundësitë e thellimit të bashkëpunimit ndërmjet Komunës së Tetovës dhe institucioneve hungareze, me theks të veçantë në fushat e zhvillimit lokal, arsimit dhe shkëmbimit kulturor.
Kasami ka shprehur mirënjohje për mbështetjen dhe gatishmërinë e treguar nga pala hungareze për forcimin e marrëdhënieve miqësore dhe bashkëpunimin e mëtejmë institucional.
Takimi u vlerësua si konstruktiv dhe në funksion të avancimit të projekteve të përbashkëta në interes të qytetarëve të Tetovës.
