KM LIRIA kualifikohet për medaljen e bronztë në France Pro League 2026

Nga D V
A+ A-
Rivendos

Mundësit e klubit, Liria, kanë siguruar kualifikimin për ndeshjen e medaljes së bronztë në garën ndërkombëtare France Pro League 2026, pas fitores bindëse ndaj klubit Bonneuil Lutte nga Parisi.
Klubi i Mundjes Liria qëndroi për 11 ditë në Francë, duke garuar në disa qytete të vendit në kuadër të kësaj lige private të mundjes. Klubi shqiptar në këtë garë e përfaqësuan disa nga mundësit më të mirë dhe më të njohur në vendin tonë, si Fati Vejseli dhe Rexhep Ajdari. Pjesë e ekipit ishte edhe kampioni nga Shtipi, Dejan Mitrov, i cili iu bashkua Lirisë si përforcim.
Vlen të veçohet paraqitja e shkëlqyer e Muhamed Ferukit, i cili arriti të fitojë disa përballje mjaft të vështira. Edhe mundësi më i ri i ekipit, Sufijan Sinani, dëshmoi talentin dhe potencialin e tij, duke treguar se është një nga shpresat e së ardhmes së mundjes në vendin tonë.
Ndërkohë, Trim Ismaili dhe Muhamed Vejseli treguan formë të mirë, duke regjistruar nga një fitore secili. Tani KM Liria e pret sfida e fundit për medaljen e bronztë, e cila do të zhvillohet më 17 dhjetor në Paris.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër