Bruksel, 11 Maj, Zhurnal.mk – Ministri i Jashtëm i Maqedonisë së Veriut sot në Bruksel ka ritheksuar kërkesën e qeverisë së vendit ndaj shteteve anëtare të Bashkimit Evropian për t’i dhënë fund « bilaterlizimit « të procesit të anëtarësimit në bllokun evropian, raporton Zhurnal.mk
Në deklaratën e tij para fillimit të takimit të ministrave të jashtëm të vendeve aspiruese me homologët e 27 vendeve anëtare të BE-së, Timço Mucunski këtë thirrje e bëri në kontekst të situatës tash e katër viteve me kërkesat e Bullgarisë ndaj vendit në procesin e bllokuar e të cilat u bënë edhe kërkesa të krejt BE-së.
“Kërkesa e jonë shteteve anëtare janë të shumëllojshme. Së pari ne duhet të dalim nga bilaterilizimi i kritereve të anëtarësimit, » u tha Mucunski gazetarëve në Bruksel, para takimit.
Ai po ashtu tha se BE dhe Maqedonia e Veriut duhet që të angazhohen në çështjet të cilat nuk kanë të bëjnë drejtëpërdrejt me zgjerimin e bllokut evropian, the renditi në këtë konekst çështjet e sigurisë, mbrojtjesë, komunikim më të mire për çështjet e ekonomisë e tregtisë, sigurisë ushqimore dhe digjitalizimit.
Kryemnistri Hristijan Mickoski dhe partia e tij VMRO-DPMNE refuzojnë që të bëjnë ndryshimet kushtetuse për të futur në të bashkësinë bullgare, përderisa Bullgaria dhe BE nuk plotësojnë dy kundër-kushtet e tij.
Ai kërkon që Bullgaria të plotësojë kërkesat e tij për të drejtat e bashkësisë maqedonase në Bullgari, dhe së dyti që Bullgaria dhe vet BE të japin garancione zyrtare se Sofia nuk do të ketë kërkesa e kushtëzime shtesë për çështjet që kanë të bëjnë me identitetin dhe gjuhën maqedonase, të cilën Bullgaria refuzon që ta njohë si të tillë por e trajton si derivat të gjuhës bullgare. / Zhurnal.mk
