288
MPB Maqedoni njofton se dje (05.01.2025) rreth orës 19:30 në magjistralen Tabanoc – Kumanovë, zyrtarë policorë nga Stacioni Policor për Mbikëqyrje Kufitare, kanë privuar nga liria A.I (20) nga fshati Ognjanci, Shkup dhe një të mitur nga Palatica, Komuna e Zhelinës, pasi me automjet “Volkswagen Golf” me targa të Tetovës po transportonin tre emigrantë, dy prej tyre nga Kina dhe një nga India.
“Më herët punonjësit e policisë me dron kanë vërejtur hyrjen e emigrantëve në automjet dhe pas marrjes së masave mjeti është ndalur dhe persona janë ndaluar”.
“Pas dokumentimit të plotë të rastit, ndaj tyre do të bëhet kallëzim përkatës. Emigrantët janë akomoduar në Qendrën e pritjes për të huaj në Shkup për procedim të mëtutjeshëm”, thonë nga MPB.