Shkup, 20 shtator – Kushti kryesor për momentin nga BE-ja është që Maqedonia e Veriut duhet t’i bëjë ndryshimet kushtetuese, që do të thotë përfshirjen e bullgarëve në Kushtetutë, nëse dëshiron të vazhdojë rrugën drejt BE-së. Ndryshimi i Kushtetutës kërkon shumicë prej dy të tretash dhe negociatat me BE-në nuk do të fillojnë derisa të bëhen këto ndryshime, shkruan Zhurnal.mk.
Në Bashkimin Evropian ka një dinamikë të re në procesin e zgjerimit dhe Brukseli kërkon përshpejtim të procesit, megjithatë nuk ka ndryshim të kushteve dhe i gjithë procesi mbetet i bazuar në merita.
Veçanërisht përmes Planit të Rritjes, BE-ja po përballet me një lloj presioni të politikanëve nga Ballkani Perëndimor. Shqipëria ishte së bashku me Maqedoninë e Veriut dhe tani, pas ndarjes, Shqipëria ka bërë një përparim të mirë. Por, në këtë rrugë Maqedonia e Veriut po ngec plotësisht. Brukseli zyrtar është shumë i më përkushtuar që të sjellë të gjithë rajonin në Bashkimin Evropian, por këmbëngul në sistemin e meritave.
Qeveriatërt kanë vazhduar të këmbëngulin se rezultati i zgjedhjeve të ardhshme lokale nuk do të ndikojë asgjë përderisa Bullgaria vazhdon me këtë avaz. Aktualisht në Maqedoninë e Veriut presin që Bullgaria të përmbush të drejtat e pakicave, të respektojë vendimet e Gjykatës Evropiane të të Drejtave të Njeriut (GJEDNJ), dhe presin qartësi më të madhe në dokumentet evropiane në mënyrë që mos të ndodhin pakënaqësi si herën e kaluar.
Ditë më parë në Klubin e Deputetëve në Kuvend, u bë një prezantim nga kryeministri Hristijan Mickoski mbi agjendën e reformave. Kryeministri shpjegoi sfidat që na presin në periudhën e ardhshme.
Ai pret që gjërat të ecin përpara vetëm në fillim të vitit të ardhshëm në aspektin e garancive se ndryshimet kushtetuese do të jenë kërkesa e fundit në rrugën tonë drejt anëtarësimit të plotë në Bashkimin Evropian.
Siç theksoi ai në takimin e djeshëm me gazetarët, pas vizitës së Presidentit të Këshillit Evropian Antonio Costa në Sofje, ku tha se është koha e duhur që Maqedonia të marrë disa garanci se nuk do të ketë kërkesa të reja për vazhdimin e rrugës evropiane, ai zhvilloi bisedime me të dhe u pajtua që ndryshimet kushtetuese të jenë kërkesa e fundit në rrugën tonë evropiane dhe se për këtë duhet të merren disa garanci.
“Megjithatë, që kjo të realizohet, duhet të ketë presion nga një parti më e fortë. Pres përparim në fillim të vitit të ardhshëm pas festave të Krishtlindjeve dhe Vitit të Ri në drejtim të dhënies së garancisë se ndryshimet kushtetuese do të jenë kërkesa e fundit nga Bullgaria”, tha Mickoski.
Nga ana tjetër Mucunski thotë se qeveria aktuale është e kujdesshme në marrjen e vendimeve që mund të kenë pasoja të gjera. Përveç kësaj, thotë ai, për ne si vend është thelbësore që rruga drejt anëtarësimit të plotë të jetë e parashikueshme.
Presioni ndërkombëtar pritet të rritet pas zgjedhjeve lokale në vjeshtë sepse duket që edhe ndërkombëtarët fillimisht duan të shohin se cilat do të jenë rezultatet nga zgjedhjet, shkruan “Zhurnal.mk”.