Papa Leoni shpalli të dielën shtatë shenjtorë të rinj të Kishës Katolike Romake, përfshirë një ish-ndjekës të një kulti satanik dhe një peshkop armen të vrarë për shkak se refuzoi të braktiste besimin e tij.
Gjatë një ceremonie të mbajtur në Sheshin e Shën Pjetrit, Papa lexoi shpalljet e kanonizimit, pasi Kardinali Marcello Semeraro tregoi historitë e secilit prej shtatë shenjtorëve.
Midis shenjtorëve të rinj është Bartolo Longo, një avokat italian i cili praktikonte ritet satanike përpara se të konvertohej në katolicizëm dhe të bëhej një promovues i shquar i Rruzares.
U shenjtërua gjithashtu edhe kryepeshkopi katolik armen Ignatius Maloyan. Ai u ekzekutua në vitin 1915 pasi refuzoi të konvertohej në Islam gjatë deportimeve masive nën Perandorinë Osmane.
Shenjtorët e tjerë të rinj janë Pedro To Rot, Vincenza Maria Poloni, Carmen Rendiles Martinez, Maria Troncatti dhe Jose Gregorio Hernandez Cisneros. “Jo heronj apo kampionë të ndonjë ideali, por burra dhe gra autentikë”, tha Papa për shenjtorët gjatë ceremonisë, në të cilën mori pjesë edhe Presidenti i Republikës Italiane, Sergio Mattarella.