Ekspertët gjermanë paralajmërojnë se heqja dorë nga mëngjesi rrit rrezikun për diabet të tipit 2, edhe nëse ndodh vetëm një herë në javë. Analiza e të dhënave të mbi 96,000 personave tregoi se shmangia e mëngjesit një herë në javë rrit rrezikun për diabet me 6%, ndërsa nëse kjo ndodh 4-5 herë në javë, rritja arrin deri në 55%.
Specialistët shpjegojnë se heqja dorë nga mëngjesi nxit rezistencën ndaj insulinës dhe rrit nivelin e sheqerit në gjak gjatë gjithë ditës, duke e bërë trupin më të ndjeshëm ndaj stresit dhe zgjedhjeve jo të shëndetshme ushqimore.
Mjekët shqiptarë vënë gjithashtu në dukje një rritje të rasteve të diabetit tek fëmijët, duke theksuar rëndësinë e një mëngjesi të shëndetshëm që përfshin vezë, kos dhe fruta, për të siguruar proteinë, fibra dhe karbohidrate të nevojshme për energji gjatë gjithë ditës.
