Shumë njerëz mendojnë për vezët, mishin apo produktet e qumështit kur kërkojnë proteina, por disa arra dhe fara ofrojnë sasi të larta proteinash dhe janë alternativa të shkëlqyera me bazë bimore.
Proteinat janë thelbësore për ndërtimin dhe riparimin e indeve, mbështetjen e imunitetit, prodhimin e hormoneve dhe enzimave, si dhe për ruajtjen e muskujve dhe energjisë gjatë gjithë ditës. Ushqimet e pasura me proteina ndihmojnë gjithashtu në rregullimin e sheqerit në gjak dhe përmirësojnë ndjenjën e ngopjes, duke ndikuar pozitivisht në humor, përqendrim dhe tretje.
Disa nga arrat dhe farat më të pasura me proteina:
- Farat e kërpit – 30 gramë përmbajnë rreth 10 gram proteina dhe janë proteinë e plotë, duke përfshirë të gjitha aminoacidet thelbësore. Janë gjithashtu të pasura me fibra dhe omega-3.
- Farat e kungullit – 28 gramë përmbajnë rreth 8 gram proteina dhe shumë magnez, zink dhe hekur. Ideale si shtesë në sallata, supa apo produkte qumështi.
- Kikirikët – Një çerek filxhani ofron 11 gram proteina, më shumë se një vezë mesatare. Përmbajnë yndyrna të shëndetshme dhe fibra që ndihmojnë në rregullimin e kolesterolit dhe tretjen.
Këto alternativa bimore janë praktike, transportueshme dhe të lehta për t’u përfshirë në dietën e përditshme, duke e bërë marrjen e proteinave më të thjeshtë dhe të shëndetshme.
(Burimi: Real Simple)