Shkup, 2 shkurt – Kardiologu Sashko Kedev ka dhënë dorëheqje nga këshilli shëndetësor. Ministri i Shëndetësisë, Azir Aliu, e falënderoi Kedevin për kontributin profesional në këshillin shëndetësor, pa sqaruar se çfarë mendon për dorëheqjen e tij. Deri tani, nuk është mbajtur asnjë takim midis Aliut dhe Kedevit.
Nga Ministria e Shëndetësisë thonë se dorëheqja u dorëzua përmes arkivit të Ministrisë më 23 janar, por arriti te ministri pas një jave.
Kardiologu Kedev në dorëheqjen e tij thekson se proceset kontrolluese po kryhen nga kuadro jo kompetente. Vërejtjet lidhen me ekspertët e huaj, të cilët duhet të verifikojnë gjetjet e komisionit vendas, i cili ka konstatuar se nga 19 rastet e analizuar, 10 pacientë janë operuar pa nevojë për ndërhyrje kardiake.
Ekipi i përbërë nga tre ekspertë të huaj ende nuk është takuar – është parashikuar një takim online me komisionin vendas.
Ministria e Shëndetësisë njoftoi se bëhet fjalë për një kardiokirurg nga Italia, një kirurg kardiovaskular dhe një kardiolog intervenues nga Sllovenia.
Vitin e kaluar, në fund të verës, kardiologu Sashko Kedev bëri të ditur se në spitalet private po kryheshin operacione të zemrës pa indikacion mjekësor, për fitim më të madh. U formua një komision i brendshëm, i cili konstatoi se 10 pacientë ishin operuar pa nevojë.
