jë ngjarje e rëndë ka ndodhur në Belgjikë. Një shqiptar ka qëlluar me armë zjarri pronarin e restorantit ku po darkonte. Ngjarja ndodhi, pasi shqipari po zihej me të dashurën e tij.
Pronari i restorantit shkoi te tavolina për t’u kërkuar që të qetësoheshin, pasi aty ishin edhe klientë të tjerë. Kur ai tentoi të thërriste policinë, shqiptari nxori një pistoletë dhe e goditi atë në qafë.
Mediat shkruajnë se ai nuk ishte i dehur, pasi atë mbrëmje kishte porositur vetëm kola. Policia konfirmon incidentin, por nuk mund të japë më shumë detaje për hetimin.
Artikulli i plotë nga HLN
“Papritmas nxori një pistoletë nga pantallonat dhe e drejtoi ndaj meje”. Mehmeti, 45 vjeç, nuk e kishte menduar kurrë që ndërhyrja e tij në restorantin e tij në Zele të Belgjikës do të përfundonte kështu. Ai i kërkoi një klienti të qetësohej kur ky po grindej me të dashurën e tij, por papritmas u godit nga një plumb në qafë. “Në atë moment, kam kapur vetë pistoletën për të parandaluar më të keqen,” thotë Mehmeti.
Ngjarja ndodhi dje në mbrëmje rreth orës 20:30 në restorantin Yega, në qendër të qytetit Zele. Një burrë shqiptar po hante atje me të dashurën e tij. Çifti papritmas u grind dhe u thanë fjalë të rënda. Pronari i restorantit shkoi te tavolina për t’u kërkuar që të qetësoheshin, pasi aty ishin edhe klientë të tjerë.
