Merz: Lufta në Ukrainë nuk do të mbarojë derisa Rusia të jetë “e rraskapitur” ekonomikisht

Moska nuk ka gjasa ta përfundojë luftën e saj kundër Ukrainës derisa ajo të jetë ekonomikisht dhe ushtarakisht e rraskapitur, tha sot kancelari gjerman, Friedrich Merz, në Mynih.

“Po i afrohemi kësaj kohe”, tha ai duke iu drejtuar udhëheqësve botërorë dhe politikëbërësve të lartë në Konferencën e Sigurisë, në Mynih.

“Aleatët perëndimorë të Kievit duhet të bëjnë gjithçka që është e nevojshme për ta çuar Rusinë në një pikë ku nuk sheh asnjë avantazh të mëtejshëm në vazhdimin e kësaj lufte të tmerrshme”, tha Merz.

“Rusia nuk ka treguar asnjë gatishmëri për t’u angazhuar “seriozisht” në bisedimet e paqes për t’i dhënë fund pushtimit në shkallë të plotë, i cili hyn në vitin e tij të pestë këtë muaj”, tha kancelari gjerman.