Shkup, 17 shkurt – Në një seancë të mbajtur më 17 shkurt 2026, Sofija Spasova Medarska u zgjodh zëvendëskryetare e Komisionit Shtetëror për Parandalimin e Korrupsionit. Zgjedhja është pjesë e rotacionit statutor gjashtëmujor midis anëtarëve, e jo mandat i ri.
Zëvendëskryetarja përfaqëson Komisionin kur kryetaru pengohet të veprojë, dhe në rast të përfundimit të pozicionit, ajo merr rolin deri në zgjedhjen e një kryetari të ri. Pozicioni sjell rritje të dukshmërisë publike dhe përgjegjësisë operative, veçanërisht gjatë një periudhe kur KSHPK është nën mbikëqyrje të shtuar publike.
Medarska u diplomua në drejtësi në Fakultetin Juridik “Justiniani i Parë” në Shkup dhe ndërtoi karrierën e saj në gjyqësor. Pas trajnimit në Akademinë për Gjyqtarë dhe Prokurorë Publikë, në vitin 2010 ajo u zgjodh gjyqtare në Gjykatën Themelore Civile të Shkupit, ku veproi në çështje pronësore dhe tregtare për më shumë se një dekadë. Ajo ishte gjithashtu e përfshirë në trajnime, ndërmjetësim dhe botime profesionale.
Medarska iu bashkua KShPK-së në vitin 2024, si pjesë e ekipit të sapozgjedhur pas një procesi interviste dhe vlerësimi në vitin 2023.
Përzgjedhja e saj vjen në një seancë ku Komisioni miratoi gjithashtu raportin e posaçëm mbi financimin e fushatës për zgjedhjet lokale të vitit 2025. KShPK-ja informoi se janë hapur disa raste që lidhen me mbikëqyrjen e zgjedhjeve dhe theksoi nevojën për standarde të unifikuara dhe digjitalizimin e raportimit financiar, si dhe dështimin e disa institucioneve për të ofruar të dhëna mbi regjistrin zyrtar të automjeteve.
Në gjashtë muajt e ardhshëm, fokusi do të jetë në monitorimin e zgjedhjeve, llogaridhënien institucionale dhe zbatimin konsistent të procedurave, me qëllim ruajtjen e besueshmërisë së organit antikorrupsion.
Kujtojmë se anëtarja e Komisionit kundër korrupsionit Cveta Ristovska më 13 shkurt i paraqiti kryetarit të Parlamentit Afrim Gashi dorëheqjen e saj nga pozicioni i anëtares së Komisionit Shtetëror për Parandalimin e Korrupsionit (KSHPK) .
Në fillim të këtij muaji, KShPK-ja hapi dy raste kundër koleges së tyre Ristovska, për të hetuar rastet e konfliktit të interesit dhe mosdeklarimit të pasurisë që lidhen me Ristovskën.
Ristovska dyshohet se në formularin e deklarimit të pasurisë ka komentuar të deklarojë se dy djemtë e saj janë pronarë të agjencive të marketingut.
Ajo i ka mohuar akuzat, duke theksuar se fëmijët e saj nuk jetojnë në një familje të përbashkët me të që nga viti 2017 dhe se aktivitetet e tyre afariste janë të pavarura nga funksioni i saj publik.