Shkup, 20 shkurt – Me ftesë të drejtorit të Agjencisë për Zbatimin e Gjuhëve, Granit Osmani, Zëvendëskryeministri i Parë, Bekim Sali, mori pjesë në shënimin e Ditës Ndërkombëtare të Gjuhës Amtare.
Të pranishëm ishin edhe Zëvendëskryeministri për Qeverisje të Mirë, Arben Fetai, kKryetari i Komunës së Tetovës, Bilall Kasami, si dhe ambasadori i Kosovës, Florian Qehaja.
Me këtë rast, Sali theksoi se gjuha amtare është themel i identitetit, trashëgimisë kulturore dhe kohezionit shoqëror, duke nënvizuar se respektimi dhe zbatimi i saj në jetën institucionale dhe publike përbën një të drejtë themelore dhe standard demokratik.
Duke iu referuar albanologut Eqrem Çabej, ai rikujtoi se gjuha është pasqyra më e qartë e historisë dhe e shpirtit të një populli, prandaj duhet të ruhet dhe të promovohet si vlerë bashkuese në një shoqëri shumetnike.
