Shkup, 25 mars – Profesori nga Fakulteti i Makinerisë në Universitetin “Shën Kirili dhe Metodi” në Shkup, prof. dr. Darko Danev, ka dorëzuar zyrtarisht kandidaturën për Rektor të UKIM-it për periudhën 2026–2029, pas shpalljes së konkursit për zgjedhjen e rektorit të ri.
Danev në opinionin akademik dhe më gjerë njihet si profesor universitar me përvojë shumëvjeçare dhe ish-dekan i Fakultetit të Makinerisë, funksion që e ka ushtruar në dy mandate (2016–2023). Gjatë kësaj periudhe ai realizoi reforma të rëndësishme institucionale dhe rezultate konkrete, ndër të cilat veçohen punësimi i 47 kuadrove të rinj dhe rinovimi i stafit akademik dhe administrativ, si dhe zgjidhja e përhershme e statusit pronësor-juridik të fakultetit.
Në mandatin e tij u realizua edhe një riorganizim i plotë i hapësirave, me hapjen e kabineteve dhe laboratorëve të rinj, si dhe sigurimi i një objekti për përdorim të përkohshëm nga ana e FINKI-t, duke lehtësuar sfidat hapësinore të këtij fakulteti.
