Kinë, 7 prill, Zhurnal.mk – Kina është bërë një qendër parësore e rrjetit të prodhimit të rajonit ASEAN+3, që përfshin shtetet anëtare të ASEAN-it, si edhe Kinën, Japoninë dhe Korenë e Jugut, tha të hënën Zyra e Studimeve Makroekonomike “ASEAN+3” me qendër në Singapor.
Në dy dekadat e fundit ka pasur një ndryshim strukturor thelbësor që mbështet qëndrueshmërinë e rajonit, tha instituti në “Parashikimin ekonomik rajonal ASEAN+3 për vitin 2026”.
“Nga ana e ofertës, rrjetet rajonale të prodhimit janë zhvilluar nga një nyjë e përqendruar rreth Japonisë në një arkitekturë më të dendur e më të ndërlidhur të bazuar te Kina,” thekson raporti, duke vënë në dukje që kjo është mbështetur nga kapaciteti në rritje i prodhimit, infrastruktura logjistike dhe pozita qendrore e Kinës në tregtinë e mallrave të ndërmjetme.
Nga ana e kërkesës, ASEAN+3 është shfaqur si një burim i madh i kërkesës globale përfundimtare, që i kalon Shtetet e Bashkuara, dhe kërkesa brenda rajonit tani është më e madhe se dy dekada më parë.
Kjo marrëdhënie është e dyanshme: brenda ASEAN+3, Kina është qendra zotëruese e kërkesës, ndërsa ekonomitë e tjera janë burime kyçe të kërkesës përfundimtare për eksporte kineze, vëren raporti.
