Portieri i Aston Villas, Emiliano Martinez ka zbuluar se luajti me një gisht të thyer në finalen e mbrëmshme (e mërkurë) të Ligës së Evropës kundër Freiburgut.
Argjentinas u lëndua gjatë ngrohjes, por refuzoi të humbiste ndeshjen për trofeun evropian dhe, pavarësisht se ishte i lënduar rëndë dhe me dhimbje, e mbajti portën e paprekur në triumfin 3-0 të Villas.
“E theva gishtin gjatë ngrohjes para finales. Nuk ishte e lehtë dhe më dhemb, por është pjesë e procesit. Gjëra të tilla ndodhin. Nuk kishte asnjë mënyrë që të mos isha duke mbrojtur edhe të lëndohesha”, ka thënë fillimisht Martinez pas ndeshjes.
“U thashë shokëve të ekipit para ndeshjes se do të vdisja në fushë duke mbrojtur portën e ekipit tonë sonte. Kemi qenë bashkë për kaq shumë kohë dhe e njohim njëri-tjetrin në mënyrë perfektë”.
Më pas ai u pyet nëse ndjente presion para ndeshjes, sepse kjo ishte finalja e tij e pestë në karrierën e tij, pasi i kishte fituar të katërta.
“Nuk mendova për këtë. E di që nuk kam humbur një finale në karrierën time. Kam besuar në veten time që kur u largova nga Argjentina. Jam krenar që mbroj për këtë ekip dhe djemtë dhe u thashë atyre se jam gati të vdes për ta”, përfundoi argjentinasi.
Martinez u largua nga vendlindja e tij, Argjentina, në moshën 17 vjeçare, kur u ftua nga Arsenali dhe që atëherë ka qenë në Angli. Ai u transferua te Aston Villa gjashtë vjet më parë.
