Presidenti i SHBA-së, Donald Trump njoftoi sot që Shtetet e Bashkuara do të kryejnë një sulm së shpejti ndaj lokacionit pranë Malit të Kazmës, një strukturë e mbrojtur nëntokësore pranë një prej qendrave kryesore të pasurimit të uraniumit në Iran, raporton AP.
Duke iu drejtuar gazetarëve në Zyrën Ovale, Trump shpjegoi se veprimi do të ketë në shënjestër këtë vend, si pjesë e përpjekjeve për të parandaluar Iranin nga ndërtimi i armëve bërthamore.
“Do ta godasim atë vend së shpejti dhe me forcë të madhe”, theksoi presidenti amerikan.
Trump bëri këtë deklaratë pasi u pyet në lidhje me shqetësimet se Irani mund të ketë zhvendosur centrifugat bërthamore në këtë kompleks të nëndheshëm.
Ai komentoi se një lëvizje e tillë “nuk do të thotë asgjë” pa uranium për pasurim.
“Fokusohemi te materiali. Kjo është thelbësore”, tha Trump, duke lënë të kuptohet se SHBA-ja e përqendron vëmendjen te ndjekja e materialeve bërthamore, përtej infrastrukturës së pasurimit.
Ky deklarim i presidentit amerikan ndodh në një kohë tensionesh të rritura mes Uashingtonit dhe Teheranit, ndërsa Shtëpia e Bardhë vazhdon të ritheksojë se nuk do të lejojë Iranin të zhvillojë armë bërthamore.
