Emma Heming Willis ka rrëfyer se historia e saj me Bruce Willis nisi në mënyrë krejt të papritur.
Ata u njohën në vitin 2005 në një palestër, në një kohë kur Emma ishte ende e fejuar me sipërmarrësin Brent Bolthouse.
Ajo tha se nuk kishte qenë ndonjëherë adhuruese e madhe e filmave aksion dhe nuk kishte menduar shumë për Bruce para se ta takonte personalisht.
Bruce dhe Emma
Sipas Emmës, ajo u mahnit menjëherë nga personaliteti i tij, duke e përshkruar si një njeri shumë karizmatik, me humor dhe gjithmonë të gatshëm të tregonte interes të sinqertë për njerëzit që kishte përballë.
Pas takimit, ajo i tregoi nënës se kishte njohur aktorin dhe se ai ishte një njeri shumë i mirë.
Nëna e saj e kujtoi se ishte ende e fejuar, por Emma theksoi se në atë kohë mes tyre nuk kishte nisur asnjë lidhje romantike.
Vetëm disa vite më vonë, pasi fejesa e saj kishte përfunduar, Emma dhe Bruce dolën në takimin e tyre të parë.
Ajo kujton se ndihej shumë e qetë dhe e lumtur në shoqërinë e tij, duke e cilësuar atë si një person të ngrohtë, të sigurt dhe plot energji pozitive.
Sipas saj, ajo periudhë ishte një nga më të bukurat në jetën e tyre.Bruce Willis dhe Emma Heming nisën lidhjen e tyre në vitin 2008, ndërsa u martuan një vit më vonë, në vitin 2009.
Çifti kanë dy vajza, Mabel dhe Evelyn.
Aktori ka edhe tri vajza të tjera, Rumer, Scout dhe Tallulah nga martesa e tij e mëparshme me Demi Moore.
