Barcelona po e monitoron situatën e Harry Kane si një alternativë të mundshme për objektivin e saj afatgjatë, Julian Alvarez të Atletico Madridit.
Sipas talkSPORT, kampionët e Spanjës po mbajnë nën vëzhgim sulmuesin anglez, kontrata e të cilit me Bayern Munich skadon vitin e ardhshëm. Të dyja palët po synojnë t’i përshpejtojnë bisedimet për një zgjatje të mundshme të kontratës.
Barcelona, ndërkohë, është e gatshme të përfitojë nëse Kane vendos të mos rinovojë me gjigantin bavarez.
Klubi katalunas kishte zhvilluar kontakte fillestare me përfaqësuesit e sulmuesit gjatë verës, por interesimi nuk u konkretizua më tej.
Julian Alvarez vazhdon të mbetet objektivi kryesor i Barcelonës për repartin ofensiv, por Kane shihet si një alternativë e rëndësishme në rast se transferimi i argjentinasit nuk realizohet.
Në listën e dëshirave të blaugranasve ndodhet edhe Erling Haaland. Megjithatë, largimi i norvegjezit nga Manchester City do të ishte shumë i vështirë, pasi ai ka kontratë me klubin anglez deri në vitin 2034.
Barcelona vendosi të mos transferonte një sulmues të nivelit të lartë gjatë afatit kalimtar të verës, duke zgjedhur në fund një opsion më ekonomik në formën e Gabriel Jesus.
Ndërkohë, Raphinha ka bërë paraqitje mbresëlënëse në rolin e sulmuesit qendror këtë sezon, duke realizuar tetë gola dhe tri asistime në gjashtë ndeshje.
