Ambasada e Shteteve të Bashkuara të Amerikës në Kosovë ka përgëzuar Majoren e Policisë së Kosovës, Luljeta Mehmeti–Quigley, për përfundimin me sukses të sesionit të 296-të të Akademisë Kombëtare të FBI-së në Quantico, Virxhinia.
Në një njoftim zyrtar, Ambasada bëri të ditur se Majorja Mehmeti–Quigley është oficerja e dhjetë nga Kosova që diplomon në këtë program prestigjioz, i cili njihet si një nga trajnimet më elitare për zyrtarët e zbatimit të ligjit në mbarë botën.
Ky arritje, sipas Ambasadës, është mbështetur përmes programeve DOJ-ICITAP dhe FBI LEGATT Sofia, duke theksuar rëndësinë e bashkëpunimit të vazhdueshëm ndërmjet Shteteve të Bashkuara të Amerikës dhe institucioneve të sigurisë në Kosovë.
Akademia Kombëtare e FBI-së, e themeluar në vitin 1935, deri më sot ka trajnuar mbi 53 mijë profesionistë të sigurisë nga vende të ndryshme të botës.
Në përfundim, Ambasada e SHBA-së ka shprehur urimet e saj për Majoren Mehmeti–Quigley dhe ka riafirmuar përkushtimin për të mbështetur ndërtimin e institucioneve të sigurisë më të forta dhe më të sigurta në Kosovë.
