Shkup, 18 nëntor, Zhurnal.mk – Ka vazhduar rikonstruksioni i infrastrukturës rrugore në Çairin e Vjetër, ndërsa sot është asfaltuar rruga “Dervish Hima”, e njohur më herët si “Krste Asenov” njofton Komuna e Çairit, përjell zhurnal.mk
Sipas tyre, asfaltimi i kësaj rruge përbën një tjetër fazë të projektit për rikonstruksionin e rrugëve në këtë lagje, me qëllim përmirësimin e kushteve të qarkullimit dhe rritjen e sigurisë për banorët dhe pjesëmarrësit në trafik.
Punimet përfshijnë përmirësimin e sipërfaqes së rrugës, duke synuar krijimin e një infrastrukture më funksionale dhe lehtësimin e lëvizjes së automjeteve dhe këmbësorëve.
Nga Komuna e Çairit bëjnë të ditur se asfaltimi i rrugës “Dervish Hima” është pjesë e një projekti më të gjerë për rregullimin dhe modernizimin e rrjetit rrugor në Çairin e Vjetër.
Përmes këtyre ndërhyrjeve, synohet përmirësimi i infrastrukturës ekzistuese, lehtësimi i qasjes së banorëve në objektet e banimit dhe krijimi i kushteve më të mira për jetën e përditshme të qytetarëve.
Komuna e Çairit njofton se rikonstruksioni do të vijojë edhe në rrugë të tjera të kësaj lagjeje, në përputhje me dinamikën e përcaktuar të punimeve.
Sipas komunës, investimet në infrastrukturën rrugore do të vazhdojnë me synim përmirësimin e kushteve të qarkullimit dhe të infrastrukturës lokale në Çair.

