Dhunë brenda familjes në Prishtinë, babai arrestohet pas rrahjes së vajzës së tij

Prishtinë, 5 korrik Zhurnal.mk – Një person është arrestuar në Prishtinë, pasi dyshohet se ka ushtruar dhunë fizike ndaj vajzës së tij pas një mosmarrëveshjeje verbale.

Sipas policisë, i dyshuari është ndaluar nga policia pas incidentit, ndërsa viktima, vajza e tij, ka pësuar lëndime dhe ka pranuar tretman mjeksor.

Pas intervistimit dhe në konsultim me prokurorinë kompetent, i dyshuari është liruar në procedurë të rregullt.

Ndërkohë, viktima është kthyer në shtëpi së bashku me nënën e saj, ndërsa rasti po trajtohet nga institucionet përkatëse.