Shkup, 31 janar – Kuvendi i nëndegës “Adem Jashari” të LD-së i ngjan një tubimi madhështorë. Lëvizja Demokratike (LD) ka formuar nëndegën e saj më të re, të emëruar “Adem Jashari”, në Çair të Shkupit. Manifestimi për zyrtarizimin e kësaj nëndege u shoqërua me një pjesëmarrje të madhe të qytetarëve, duke e bërë që ky organizim të ngjajë më shumë me një tubim madhështor sesa me një proces të zakonshëm strukturimi.
Në kuadër të këtij organizimi, për kryetar të nëndegës “Adem Jashari” u zgjodh Eroll Rexhepi nga lagjja Serova, i cili pritet të udhëheqë strukturën e re drejt fuqizimit të mëtejshëm të LD-së në këtë zonë.
Masiviteti i këtij manifestimi konsiderohet tregues i mbështetjes në rritje për Lëvizjen Demokratike në Çair dhe i përfshirjes së gjerë qytetare në zhvillimet e reja politike.
