46
Bogovinë, 1 shkurt – Sot u mbajt Kuvendi Zgjedhor i Degës së PDSH-së në Bogovinë, në prani të kuvendarëve të degës si dhe përfaqësuesve të strukturave më të larta partiake.
Me votë unanime, për Kryetar të Degës së PDSH-së në Bogovinë u zgjodh Gzim Dauti.
Kryetari i sapozgjedhur, Gzim Dauti, falënderoi anëtarësinë për besimin e dhënë, duke u zotuar se do të angazhohet për forcimin e mëtejmë të degës, rritjen e aktivitetit politik dhe përfaqësimin dinjitoz të interesave të qytetarëve të Komunës së Bogovinës.
Zgjedhja e kryetarit të ri paraqet një hap të rëndësishëm drejt konsolidimit organizativ të PDSH-së dhe përgatitjes së saj për sfidat e ardhshme politike.
