Prishtinë, 8 gusht Zhurnal.mk – Deputeti i Aleancës, Ramush Haradinaj, ka thënë se Albin Kurti dhe ushtruesen e detyrës së Presidentes, Albulena Haxhiu, se me qëllim e kanë lënë të skadojë afatin kushtetues për konstituimin e Kuvendit.
Para fillimit të seancës së stome, Haradinaj ka thënë se rezultatet e zgjedhjeve janë certifikuar më shumë se një muaj më parë, por sipas tij, gjatë kësaj periudhe nuk është ndërmarrë asnjë veprim për përgatitjen e seancës konstituive.
“Albin Kurti dhe Albulena Haxhiu me qëllim ia kanë djegur Kosovës afatin kushtetues. Certifikimi i rezultateve ka ndodhur para më shumë se një muaji, diku rreth 40 ditë, dhe nuk kanë ndërmarrë asnjë veprim që do të ishte përgatitje për seancën e parë”, ka deklaruar Haradinaj.
Ai ka kritikuar edhe caktimin e seancës në ditën e fundit të afatit, duke pretenduar se kjo është bërë qëllimisht për të çuar vendin në një situatë të bllokuar institucionale.
Sipas Haradinajt, mosrespektimi i afatit kushtetues ka penguar procesin e formimit të institucioneve të reja, përfshirë zgjedhjen e kryesisë së Kuvendit, qeverisë dhe presidentit.
“E kanë shtyrë seancën në datën e fundit qëllimisht dhe e kanë djegur afatin kushtetues, me zgjedh kryesinë e Kuvendit, me zgjedh kryetarin, me zgjedh qeverinë, me zgjedh presidentin”, është shprehur Haradinaj.
