Shkup, 12 janar – Avokatja Suzana Joshevska – Anastasovska, me 22 vite përvojë profesionale, aktualisht njihet më së shumti si avokate e njërit prej të akuzuarve në procesin gjyqësor për tragjedinë në Koçan, por edhe si kritike e shpeshtë dhe e ashpër e pushtetit. Ajo është një nga dy propozimet e presidentes Gordana Siljanovska-Davkova për anëtare të reja të Këshillit Gjyqësor.
Joshevska – Anastasovska më herët ka qenë edhe këshilltare në Prokurorinë Speciale Publike (PSP).
Si avokate me mbi 20 vite përvojë, Suzana Joshevska – Anastasovska është themeluese dhe partnere në zyrën avokatore “Stankoviq dhe Joshevska”, që nga marsi i vitit 2007.
Ajo ka diplomuar në Fakultetin Juridik “Justiniani i Parë” pranë Universitetit “Shën Kirili dhe Metodi'” në Shkup, në vitin 2002. Në të njëjtin fakultet ka përfunduar edhe studimet master në të drejtën penale.
Provimin e jurisprudencës e ka dhënë në prill të vitit 2005.
