NP Rrugët e Maqedonisë: Të mënjanohen automjetet në rrugën qendra e skijimit Mavrovë – Bunec përmes fshatrave Nikiforovë dhe Leunovë

Shkup, 14 janar – Njoftohen të gjithë pronarët e automjeteve në drejtimin rrugor qendra e skijimit Mavrovë – Bunec përmes fshatrave Nikiforovë dhe Leunovë t’i mënjanojnë automjetet për shkak të punës së papengueshme të ekipeve të NP “Rrugët e Maqedonisë”.

Nga ndërmarrja publike informojnë se ndalesa për qarkullim për automjete të rënda ngarkuese në grykën malore Gjavatë hiqet në orën 10:30, si dhe në orën 09:25 është hequr ndalesa për qarkullim të automjeteve të rënda ngarkuese përmes grykës malore Presekë.