522
Shkup, 4 maj, Zhurnal.mk – Një përleshje fizike masive është raportuar gjatë natës në Shkup, njoftojnë nga Ministria e Punëve të Brendshme e Maqedonisë së Veriut.
Sipas informacioneve zyrtare, më 3 maj rreth orës 01:15, para një objekti gastronomik në zonën e Qendrës është prishur rendi dhe qetësia publike, ku ka ndodhur një përleshje mes disa personave.
Në incident kanë marrë pjesë shtatë persona të moshës 18 deri në 26 vjeç, nga Shkupi, Kumanova dhe rajone përreth. Nga policia bëjnë të ditur se rasti është duke u zbardhur plotësisht dhe pas dokumentimit të tij do të pasojnë kallëzimet përkatëse.
Autoritetet apelojnë për respektim të rendit publik dhe shmangie të incidenteve të tilla në hapësira publike.
