Shkup, 17 korrik – Kryetari i Bashkësisë Fetare Islame, Shaqir Fetahu, ka bërë një gafë publike gjatë një deklarate të fundit, duke i atribuar Prof. Dr. Lulzim Aliut një pozitë zyrtare që nuk ekziston. Në deklaratën e tij, Fetahu e quajti Aliun “Zëvendës-Kryeministër i Ministrisë për Arsim dhe Shkencë” – një post që nuk ekziston në strukturën institucionale të Qeverisë së Maqedonisë së Veriut.
Ky lapsus ka ngjallur reagime në rrjete sociale dhe media, duke ngritur pikëpyetje për saktësinë dhe seriozitetin e komunikimeve publike nga zyrtarët fetarë. Prof. Dr. Lulzim Aliu aktualisht ushtron funksionin zëvendësministër të Arsimit dhe Shkencës.
Kjo nuk është hera e parë që Fetahu përmendet në kontekst të deklaratave të pasakta, duke e bërë gjithnjë e më të zëshme kërkesën për qartësi dhe përgjegjësi në paraqitjet publike nga figurat institucionale dhe fetare.