Chris Wormald ka dhënë dorëheqjen nga posti i kreut të Shërbimit Civil dhe sekretarit të kabinetit, sipas BBC.
Kryeministri britanik, Keir Starmer, e përshkroi Wormald si një bashkëpunëtor të shkëlqyer dhe e falënderoi atë për shërbimin e tij publik për më shumë se 35 vjet.
Starmer njoftoi se Chris Wormald po tërhiqej nga detyra “me pëlqim të ndërsjellë” pas më shumë se një viti si sekretar i kabinetit.
Wormald, i cili qëndroi në detyrë për më shumë se një vit, është zyrtari i tretë i lartë që largohet nga kabineti i kryeministrit, Keir Starmer brenda pak ditësh.
Më herët, dhanë dorëheqjen, shefi i stafit të Starmer, Morgan McSweeney, dhe drejtori i komunikimit, Tim Allan.
Lëvizjet e fundit lidhen me ristrukturimin e stafit qeveritar dhe tensionet që lidhen me emërimin e ish-ministrit dhe ish-ambasadorit Peter Mandelson, si ambasador në Shtetet e Bashkuara të Amerikës – i cili është vendosur në qendër të polemikave – pas shfaqjes së emrit të emrit të tij në dokumentet e dosjes “Epstein”.
Starmer i ka rezistuar thirrjeve për dorëheqje, dhe ka deklaruar se nuk është i gatshëm të largohet nga mandati i tij si kryeministër.
Javën e kaluar, Starmer tha se i vinte keq që, u kishte besuar gënjeshtrave të Mandelson, dhe e kishte emëruar atë ambasador në SHBA.
Presioni u rrit pasi ai pranoi se kishte dijeni për lidhjet e Mandelson me abuzuesin e dënuar seksual Jeffrey Epstein, i cili vdiq në vitin 2019.
Mandelson u shkarkua nga detyra në shtator, por dokumentet e publikuara së fundmi për Epstein sugjeruan se ai kishte ndarë informacione konfidenciale me Epstein kur ishte sekretar i Shtetit për Biznesin dhe Tregtinë në vitin 2009.
Mandelson ka dhënë gjithashtu dorëheqjen nga Dhoma e Lordëve dhe nga vetë Partia Laburiste.
