Dërgimi i më shumë se 1500 ushtarëve të Divizionit të 82-të Ajror të Ushtrisë Amerikane ka ngritur shumë pyetje rreth angazhimit të njësisë më elitare të parashutistëve në botë.
Vetëm 18 orë pas dhënies së urdhrit, një nga tre brigadat e këtij divizioni mund të dislokohet nga baza kryesore Fort Bragg në Karolinën e Veriut në çdo pikë të globit. Kjo aftësi e veçantë vendos Divizionin e 82-të në krye të njësive ajrore, duke u mbështetur edhe në historinë e gjatë të operacioneve luftarake që kjo njësie ka kryer në mbarë botën.
Thjeshtuar, Divizioni i 82-të është njësia e parë amerikane që hyn në tokën e armikut me detyrë kryesore marrjen e objekteve me rëndësi strategjike, si aeroportet, portet, qendrat komandues-komunikative, rezidencat presidenciale dhe objekte të tjera kyçe.
Në kohë paqeje, divizioni organizohet në tre ekipe luftarake brigade, secila me deri në 4500 ushtarë. Këto tri brigada, së bashku me batalionet e këmbësorisë, përbëjnë forcën kryesore të divizionit, ndërsa njësitë mbështetëse artilerike dhe të inteligjencës e zmadhojnë përbërjen totale deri në 20 mijë ushtarë, shkruan thenewyorktimes.
Në kohë paqeje, divizioni organizohet në tre ekipe luftarake brigade, secila me deri në 4500 ushtarë. Këto tri brigada, së bashku me batalionet e këmbësorisë, përbëjnë forcën kryesore të divizionit, ndërsa njësitë mbështetëse artilerike dhe të inteligjencës e zmadhojnë përbërjen totale deri në 20 mijë ushtarë, shkruan thenewyorktimes.
https://www.youtube.com/embed/1Gg1dJU5fPk?rel=0– YouTube www.youtube.com
Në kushte paqeje, një nga këto tri brigada është gjithmonë e gatshme dhe mund të plotësohet sipas nevojave të operacioneve luftarake. Të gjithë ushtarët janë trajnuar për parashutë, ndaj shpesh thuhet se në Divizionin e 82-të “të gjithë fluturojnë me parashutë, nga kuzhinierët tek specialistët e operacioneve kibernetike”.
Ndryshe, divizioni u formua në vitin 1917 si Divizioni i 82-të i Këmbësorisë dhe mori nofkën “All-American”, sepse ushtarët vinin nga të gjitha shtetet e SHBA-së.
Pas sukseseve të shquara në vitin 1942, Divizioni i 82-të u bë njësia e parë ajrore-desant amerikane. Gjatë Luftës së Dytë Botërore, ai arriti suksese vendimtare që e bënë njësinë më elitare të parashutistëve të ushtrisë amerikane.
Nga betejat në Itali pranë Salernos, përmes Normandisë dhe operacionit “Market Garden”, deri te Ardenat dhe Pylli i Hurtgenit, Divizioni i 82-të udhëhoqi shumë nga operacionet kryesore të ushtrisë amerikane.
Gjatë Luftës së Ftohtë, divizioni mori pjesë në luftën e Vietnamit, ndërhyrjet në Panama dhe Grenadë, si dhe në operacione paqeruajtëse në Kosovë, Bosnje-Hercegovinë dhe më pas në Lindjen e Mesme, në Afganistan dhe Irak, si pjesë e luftës kundër terrorizmit.
