Prishtinë, 1 prill, Zhurnal.mk – Ka përfunduar procesi i deklarimit të pasurisë në Kosovë.
Deklarimi i pasurisë për zyrtarët publikë u zhvillua në tri faza: me marrjen e detyrës, përfundimin e saj dhe përmes deklarimit të rregullt vjetor për vitin paraprak.
Sipas Agjencisë për Parandalimin e Korrupsionit, mbi 10 mijë e 350 zyrtarë ishin të obliguar për deklarimin e rregullt këtë vit.
Autoritetet kanë paralajmëruar se, menjëherë pas përfundimit të afatit, do të nisin procedurat ndëshkuese.
Vitin e kaluar janë shqiptuar mbi 130 gjoba për vonesa, përfshirë edhe ndaj zyrtarëve të lartë.
Agjencia u ka bërë thirrje të gjithë zyrtarëve që ta respektojnë afatin, duke theksuar se transparenca mbetet thelbësore për besimin e qytetarëve në institucionet publike.
