Okta e vazhdon zbritjen në naftë e benzinë deri në fund të muajit

Shkup, 06 prill, Zhurnal.mk – Kompania Okta ka njoftuar se zbritjet e saj të pajtuar me qeverinë në çmimet e shitjes për naftë dhe benzinë do të vazhdojnë deri në fund të këtij muaji.
Kjo kompani vendosi që zbritjen prej 3 denarë për litër nafte dhe 2 denarë për benzinën vazhdon deri më 30 prill për shitjet me pakicë.

Vendimi i saj, vjen pas vendimit të djeshëm të qeverisë për ulje akcize në naftë dhe benzinë, përkatësisht 4 denarë (0.065 euro) për naftë e 2 denarë (0.032 Euro) për benzinë, si vendime shtesë pas vendimit të muajit të kaluar për ulje të TVSH-së në importin e naftës nga 18% në 10%.