Shkup, 14 korrik, Zhurnal.mk – Kryetari i Komunës së Sarajit, Muhamed Elmazi, ka njoftuar se Qeveria ka miratuar vendimin për dhënien në shfrytëzim të përhershëm të tokës shtetërore në Sfillare të Poshtme, duke mundësuar fillimin e procedurave për ndërtimin e një çerdheje të re.
“Qeveria sapo miratoi vendimin për dhënien në shfrytëzim të përhershëm Komunës së Sarajit të tokës shtetërore në Sfillare të Poshtme, duke hapur rrugën për ndërtimin e çerdhes së re, projekt me rëndësi të veçantë për qytetarët.
Në një afat kohor rekord u tejkaluan të gjitha pengesat administrative që për vite me radhë e kishin zvarritur këtë projekt, duke krijuar kushtet për fillimin e realizimit.
Ky është një hap i rëndësishëm drejt përmirësimit të kushteve për fëmijët dhe familjet e këtij vendbanimi, si dhe një dëshmi se me përkushtim dhe vullnet, projektet e bllokuara prej vitesh mund të bëhen realitet”, ka deklaruar Elmazi.
