Rritet fluksi në pikat kufitare, deri në dy orë pritje në Bogorodicë

Shkup, 25 korrik, Zhurnal.mk – Qarkullimi në rrugët shtetërore të Maqedonisë së Veriut zhvillohet pa pengesa dhe kryesisht në rrugë të thata, njofton Auto Moto Lidhja e Maqedonisë (AMSM).

Sipas AMSM-së, intensiteti i trafikut në akset rrugore jashtë zonave urbane është rritur.

Në pikën kufitare Bogorodicë është regjistruar frekuencë e shtuar e automjeteve, ndërsa koha e pritjes për dalje nga shteti është rreth dy orë.

Ndërkaq, në pikën kufitare Tabanoc, për hyrje në vend pritet rreth 30 minuta.

Në pikat e tjera kufitare nga ana maqedonase, për momentin nuk ka pritje më të gjata për hyrje apo dalje nga shteti, bëjnë të ditur nga AMSM.