14
Prishtinë, 14 shtator, Zhurnal.mk – Një flamur gjigant i Ushtrisë Çlirimtare të Kosovës është vendosur para objektit të Komunës së Lipjanit, në ditët kur vëmendja është përqendruar te procesi gjyqësor ndaj ish-krerëve të UÇK-së në Hagë.
Vendosjen e flamurit e ka bërë të ditur kryetari i Lipjanit, Imri Ahmeti, përmes një postimi në Facebook.
Ky veprim vjen në prag të vendimit të Gjykatës Speciale për ish-krerët e UÇK-së, të cilët prej rreth gjashtë vitesh po përballen me procesin gjyqësor në Hagë.
Procesi ndaj ish-presidentit Hashim Thaçi, ish-kryeparlamentarëve Kadri Veseli e Jakup Krasniqi dhe ish-deputetit Rexhep Selimi është duke u zhvilluar në Dhomat e Specializuara të Kosovës në Hagë.
