Shkup, 7 tetor, Zhurnal.mk – LSDM kërkon përgjegjësi, tre javë nuk punon asnjë tomograf kompjuterik në Klinikë, deklaroi Elena Radeska, anëtare e Komisionit partiak për shëndetësi.
„Tre javë të plota pacientët presin, të lënë vetëm. Por sëmundja nuk pret.
Ky është kaosi që e ka bërë Klekovski. Shkatërrim total i shëndetësisë publike nën këtë pushtet kriminal.
Pas çdo kontrolli të shtyrë qëndron një njeri që pret diagnozë. Një familje që frikësohet. Një pacient që nuk e di kur do të fillojë të trajtohet.
Klekovski le të dalë menjëherë para pacientëve dhe le të përgjigjet: pse tre javë nuk ka zgjidhje?
Ku dërgohen rastet urgjente? Sa kontrolle janë shtyrë? Si është e mundur që pacientët të mos trajtohen?
Shëndetësia, klinikat nuk janë plaçkë partiake. Për shëndetin e njerëzve bëhet fjalë.
Nuk mund të ketë vetëm tenderë kriminalë në fokusin e tyre. Nuk mund për tenderë të ketë para, e për tomografë të mos ketë.
Qytetarët paguajnë sigurim shëndetësor për të marrë kontroll dhe trajtim, e jo dyer të mbyllura dhe hedhje përgjegjësie.
Ashtu si në Gostivar, 5.000 njerëz u helmuan, përgjegjësi nuk ka.
Qytetarët me gjënë më të shtrenjtë po e paguajnë çmimin për politikat katastrofale të këtij pushteti hajdut, kriminal.
Mjaft me punë hajdutësh.
LSDM kërkon menjëherë të vihen në funksion të gjithë tomografët që të mund të vazhdojnë kontrollet.
Kërkojmë afat të saktë për vënien në funksion të tomografëve dhe përcaktimin e përgjegjësisë.
Nga ministri Klekovski e deri te udhëheqësia e klinikës“, tha Radeska.
